Pơrjum geh bơyai lơh tơn tàm Hìu lơh broă Cíñ phủ mờ pờ tơlik tàm internet mờ 63 càr, ƀòn dờng gơ wèt dà lơgar. Đơs tàm pơrjum, Thủ tướng Phạm Minh Chính đơs nền, do là pơrjum geh kuơ dờng màng ngan mờ geh đơng lam rơcang lài bơh gờñ bal mờ uă ngan bơta kơp kơnờm bè ală bơta bơtàu tơnguh wơl, bơtàu tơnguh pràn bơh lòt nhơl dê mờ bơh hơ̆, pơgồp bơnah uă ngan tàm bơtàu tơnguh ală gah, broă lơh gơ rềng tơn, kung bè bơtàu tơnguh lơh sa mpồl bơtiàn dà lơgar đơs bal.

Thủ tướng đơs loh, nam 2023 mờ tơngai tus, ală bơta kòl yan lik mờ mut tàm lơgar tài bơh kòp Kovid-19 rơp geh sang tĕ. Broă lơh do rơp cèng wơl ală tŭ niam, bơta ƀuơn mơya kung uă ngan kal ke, bơta lòng, tàm pơrlòng đah lơgar he mờ ală lơgar lòt nhơl ndai.