Pơrjum tơrgùm cri bơyai gơwèt mờ 05 tơngu me, tàm hơ̆ geh 03 rơndăp broă cih Adăt geh: Adăt Tam gơl, bơtơl ờ uă bơta tàm adăt Rơcang sền gàr lài; Adăt Rơcang sơndră, tam dră mờ kă bro kòn bơnus (tam gơl); Adăt Kông cứng (tam gơl) mờ 02 jơnau sồr lơh adăt tàm hơ̆ geh: Adăt Dia priă geh mpồl lơh sa kă bro (tam gơl); Adăt Lơh jăt broă yal yă làng bol (tam gơl).

Đơs là pơrjum mờ 05 tơngu me, ndrờm là ală tơngu me kwơ màng, kal ke, geh gơrềng tus lơh sa mpồl bơtiàn jrô ơnàng, Thủ tướng sồr ală kwang bàng tàm Cíñ phủ tơrgùm bơta ngăc ngar; jơnau đơs di pal, tơrgùm cri bơyai bè ală bơta kwơ màng, gam jơnau đơs ờ ndrờm bal pal geh cri bơyai, dan jơnau đơs bơh Cíñ phủ, gàr niam broă lơh, bơta niam bơh Pơrjum dê. Tàm hơ̆, Thủ tướng sồr ală anih lơh broă yal tơngit ai uă tơngai rơlao nàng yal tơngit broă mblàng yal cih adăt boh lam, yal tơngit broă dong kờl, bơto bơtê bơta ngăc ngar ai làng bol in, tàm hơ̆ uă ngan là geh jơnau bơ̆t bơtàu adăt boh lam bơh ală cau gơrềng ờ niam, ală cau jăk, cau khoa họk, bơta mờng chài dunia dê.