Đơs tàm pơrjum, Thủ tướng Cíñ phủ ồng Phạm Minh Chính sồr, ală ƀộ, gah broă lơh dà lơgar mờ 14 càr, ƀòn dờng tàm tiah do mhar bơt bơtàu broă lơh, broă rơndap lơh lam lơh broă nàng lam lơh jat jơh nùs, geh cồng nha Nghị quyết sồ 26 bơh Ƀộ Cíñ trị dê, broă lam lơh bơh Cíñ phủ dê.

Tàm hơ̆ đơs nền, tơrgùm lơh sir mpồl lơh broă, rơndap ù tiah tiah do mờ broă lơh bơh bal bă tiah; tam gơl rơndap tap sèng lơh sa, chồl pràn bơtàu tơnguh lơh sa dà lềng; Bơtàu tơnguh pràn kơldang ală tiah drà, chồl pràn bơcri priă rơndap tap sèng phan bơna lơh sa mpồl bơtiàn tiah do, ngan là phan bơna gùng lòt; atbồ mờ ngui geh cồng nha phan kuơ geh is, ngan là phan kuơ bè dà lềng, bồt bơlàu mờ brê; Bơtàu tơnguh tơl làm niam chài- mpồl bơtiàn; sền gàr kơ̆ lơngăp lơngai dà lơgar, tơnguh cồng nha broă lơh cribơyai broă mờ lơgar ndai.