Cribơyai tàm pơrjum, uă kwang bàng neh cribơyai song dơpă, bơt bơtàu, geh uă jơnau đơs niam ngan, geh kơnòl, jơh nùs mờ ai tơlik ală jơnau sồr, jơnau dan bè uă broă lơh dipal, di mờ bơta geh ngan mờ gơtùi lam lơh ngan ngồn. Bè ală kơnòl broă, broă lơh ngan ngồn Thủ tướng Cíñ phủ ồng Phạm Minh Chính đơs loh 5 mpồl kơnòl broă lơh, tàm hơ̆ đơs nền: Tơnguh jơnhua, ring bal jơnau git wă bè bơta krơi is bơh tiah drà, bơta kuơ, gơnoar broă bơh tiah drà dê tàm bơta bơtàu tơnguh bal.

Nùs nhơm đơng lam bal là pal ring bal jơnau git wă tàm gùt lơgar, ngan là tàm ală tiah mờ anih lơh broă geh gơ rềng bè bơta krơi is, gơnoar broă, bơta kuơ bơh tiah drà dê- là bơnàng jă kuơmàng ngan nàng ring bal broă lơh. Mìng geh tam gơl pa bồ tơngoh kơlôi sơnơng, pơlam lơh jat gùng dà loh làng bè tiah drà bol he hơ̆ sồng gơtùi geh bơta pin dờn, kơnòl mờ broă lơh ring bal nàng wèt tus cồng nha kơp gơn. Thủ tướng pin dờn là, mờ bơta lơh ngan mờ lơh broă bal jơh nùs bơh jơh gùt anih lơh broă cíñ trị, ală kâp, ală gah broă lơh mờ bơta dong kờl bơh gơp bơyô dunia dê, tàm tơngai tus, ală tiah drà Việt Nam geh bơta bơtàu tơnguh pràn kơldang mờ tam gơl pa.