VOV4.K’ho- Mang ngai 28/6, tàm Hà Nội, Thủ tướng Phạm Minh Chính neh tus bal Broă lơh sơñio rùp tơn “Bơta kơp kờñ dà lềng dờng tơlir” di ngai “Dà lềng dờng dunia” bơh Liên hợp quôk dê, Poh dà lềng mờ dà lềng dờng bơh Việt Nam dê.

Thủ tướng Phạm Minh Chính đơs tàm Broă lơh

Thủ tướng Phạm Minh Chính đơs nền, là dùl lơgar dà lềng gơtìp gơ rềng kơn jơ̆ ngan tài bơh tam gơl trồ tiah mờ dà lềng gơguh tih, Việt Nam neh mờ gam ai tơnggŏ bơta lơh ngan pràn kơldang bal mờ mpồl bơtiàn dunia wèt tus dà lềng dờng tơlir, plai ù tơlir, ring lơngai, kơ̆ kơljap jŏ jòng sùm mờ bal mờ gơp bơtàu tơnguh pas sơm, lơh ngan lơh broă, ki ngàm mờ lơh jat adat boh lam dunia; rơcang lài tus bal tàm ală mpồl lơh broă 2 lơgar mờ uă lơgar; jơh nùs tơnguh ală broă lơh lơh broă bal tàm tiah do, tàm dunia bè dà lềng mờ dà lềng dờng. Di dơ̆ do, Thủ tướng kơp kờñ pơn jat tai dờp geh bơta lơh broă bal, dong kờl geh cồng nha bè dà lềng mờ dà lềng dờng bơh ală mpồl dunia, ală lơgar lơh broă bal bơtàu tơnguh dê.

Cau mblàng K’Duẩn