Tàm dơ̆ tìp mat, Thủ tướng đơs nền, lơgar Việt nam hơ rơ̆p lòt bal mờ lơh geh tơl ală bơta ƀuơn ngan jat jơnau cih bơh Adat boh lam dê nàng ală mpồl lơh sa kă bro lơgar Philippines lơh dơ̆ bơcri priă geh cồng nha, kơ̆ kơl jăp, jŏ jòng tàm lơgar Việt Nam.

Thủ tướng Cíñ phủ sồr 2 gah pal bơyai lơh uă rlau tai ală broă lơh tìp mat, tìp mat lơh kuèng, cribơyai nàng chồl tơnguh lơh broă bal; lơh pràn tàm tơrbŏ bal 2 rài lơh sa; lơh gơs ngan ngồn ală jơnau cribơyai kwang bàng kấp dờng, ai bơta gĭt gơ̆p Lơh broă bal kwơ màng đah lơgar Việt Nam mờ Philippines mut lơh broă ngan ngồn jrô ơnàng làm uă, geh ngan, geh cồng nha rlau tai; tài jơnau kờñ dờng pràn, bơtàu tơnguh tai bơh tơl lơgar; tài rài kis chờ hờp, hờm ram bơh làng bol 2 lơgar dê; mờ tài bơta ring lơngai, kơ̆ kơl jăp, lơh broă sa mờ bơtàu tơnguh tàm tiah do mờ tàm dunia.