Thủ tướng Phạm Minh Chính đơs wơl ală cồng nha neh lơh geh tàm broă lam lơh ală broă lơh bơt bơtàu, rơndăp broă lơh kwơ màng Dà lơgar, broă lơh tờm ngan gah Gùng lòt jun pơndiang phan. Thủ tướng jờng rơ ală cau tờm bơcri priă, ală Mpồl atbồ rơndăp broă lơh, ală cau tờm bơcri priă, ală mpồl lơh broă bơto pơlam neh dùl nùs bal, kràñ cê jơh nùs, pơnđơl pràn lơh ngan lam lơh nàng ală rơndăp broă lơh lam lơh gàr geh bơta niam, nàng kờñ lơh jat di tŭ tơngai tàm nam pa do.

Jàu kơnòl broă ngan ngồn ai ală Ƀộ, ngàñ, ală tiah, ngan là tàm broă sồr ngan lam lơh ală rơndăp broă lơh; tơrgùm broă ai ù ală rơndăp broă lơh mờ gàr tơl phan bơna bơt bơtàu bè ờs drơng broă rơndăp broă lơh in, Thủ tướng sồr ală cau tờm lơh geh gơrềng pal rcang lài, pơgồp bal mờ gơ̆p bơsong ală bơta kòl yan gơlik geh tàm bơta geh ngan, ờ gŏ di mpồn pleh; pal rcang lài jơh nùs ngan lam lơh kơnòl broă geh jàu, pal lơh jat di mờ tŭ tơngai, tơnguh uă bơta niam, gàr niam bơta chài niam, gàr niam lơngăp lơngai.