Dơ̆ tìp mat là tŭ nàng kwang đơng lam bồ Cíñ phủ, ală ƀộ, gah broă lơh dà lơgar iat jơnau đơs bơh mpồl lơh sa kă bro dê, ơn he tàm gơnoar broă mpồl lơh sa kă bro dê nàng tă bơsong kal ke, sơlơ tơnguh lơh sa kă bro, mờ nùs nhơm tơl gah broă, tơl kâp, tơl nă cau at tê bal, tă pơgồp bơta pràn, lơh ngan bơh gơnăp gơnoar, kơnòl broă, gơnoar broă geh jàu nàng gơ gơs dờng pràn, sơrlèt gan kal ke. Thủ tướng neh geh tŭ đơs nền, Đảng, Dà lơgar mờ làng bol sùm là anih kơldìng, sùm pin dờn tàm mpồl lơh sa kă bro, cau lơh sa kă bro Việt Nam rơp bơtàu tơnguh bal mờ dà lơgar, at tê bal lơh gơs kơnòl broă bơt bơtàu mờ sền gàr dà lơgar.

Ala mat Cíñ phủ, Thủ tướng Cíñ phủ cih dờp, jờng rơ mờ ưn ngài bơta lơh ngan, ală cồng nha lơh geh bơh ală mpồl lơh sa kă bro dà lơgar dê, tă pơgồp tàm cồng nha bal bơh dà lơgar dê. Thủ tướng sồr ală kwang bàng tơrgùm sền sơ wì ală broă gơ rềng tus bơtàu tơnguh mpồl lơh sa kă bro dà lơgar, ală bơta ƀuơn mờ kal ke tŭ do; ală broă lơh nàng ngui geh cồng nha rlau tai jơtài, nàng mpồl lơh sa kă bro dà lơgar lam lài, tề lam, ai tơlik lài gùng dà, broă lơh, lơh gơlik bơta gơn kơnờm, mblàng wơl bơta kờñ gơboh ai ală mpồl lơh sa kă bro in đơs bal mờ sơlơ lơh geh pràn ngan ală bơta gơn kơnờm gơguh lơh sa pa.