VOV4.K’ho- Mang ngai 20/01, tàm Hà Nội, Thủ tướng Phạm Minh Chính tus bal dơ̆ jàu khà jờng Khoa họk, Kông nghệ gùt plai ù VinFuture (VinFuture Prize) dơ̆ 1. Dơ̆ jàu khà jờng VinFuture bơ tòm tơrgùm uă cau jak chài dunia mờ yal ală jơnau bơceh pa geh gơ rềng tus git nđờ tơlak nă cau geh lam Việt Nam gơ gơs là tiah tờm bơh cau jak chài dê, gơ hòi gơ jà bơta gròi sền bơh dunia dê gơ wèt tus mờ Việt Nam.

Broă do pơgồp bơnah ai tơnggŏ Việt Nam là anih tus pa ngan bơh Khoa họk kông nghệ dunia dê, mờ kung lơh gơlik tŭ niam tàm tơrbŏ bal, lơh gơlik bơta gơ rềng lơh broă bal tơn, uă gah đah ală cau jak chài dunia mờ Việt Nam. Bơh dơ̆ jàu khà jờng sơn rờp, VinFuture neh dờp geh bơta gròi sền uă ngan bơh ală cau jak chài dunia dê mờ rlau 1 rbô 200 nă cau cih mat tus bal tus bơh 654 hìu bơsram đại họk khà dùl, 51 viện kơlôi sơnơng tiơng pơn rơ, 42 viện hàn lâm khoa họk dà lơgar geh bơngă pin dờn gùt plai ù. Khà jờng neh dờp geh 599 rơndap broă tàm pơrlòng khà jờng.

Cau mblàng K’Duẩn