Jăt tơngai lơh broă drim do (06/03), Thủ tướng Phạm Minh Chính geh tus bal dơ̆ pơrjum gùt kwang bàng bơh Pơrjum dê mờ pơrjum ờ ơnàng. Pơrjum kấp dờng Kwơ màng geh bơyai lơh bơh ngai 04 tus ngai 06 nhai 3 là bơta ai tơngŏ kwơ màng bal bơh lài tus tŭ do đah lơgar Australia mờ tiah do dê. Ai tơngŏ jơnau hơ bơh lơgar Australia dê tàm broă tơnguh lơh broă bal mờ tiah đah jum măt tơngai lik câu Á.

Tơngu me tờm bơh Pơrjum Kấp dờng kwơ màng dơ̆ do là tơnkah 50 nam bơta git gơ̆p cri bơyai bal đah lơgar Australia mờ mpồl ASEAN mờ geh tơrgùm tàm poan gah broă tờm: Kă bro, đơng lam pa pơnrơ, Trồ tiah mờ Năng lượng kloh, mờ Lơh broă bal Gùng lòt dà lềng. Ală broă lơh mùl màl, tàm hơ̆ geh: Cri bơyai CEO Mpồl lơh sa kă bro geh tơrgùm ală kwang đơng lam mpồl lơh sa kă bro đah lơgar Australia mờ Đah jum măt tơngai lik câu Á, ală gah gơrềng bal tàm aă gah lơh sa mờ măi mok mờ ală anih lơh broă cíñ phủ nàng cri bơyai bè ală broă tơnguh kă bro mờ bơcri priă bàr đah; Pơrjum Ală mpồl lơh sa kă bro di mơ mờ dềt (SME); Cri bơyai trồ tiah mờ Năng lượng kloh; Pơrjum Lơh broă bal Gùng dà lềng.