VOV4.K’ho- Drim ngai 11/5, Thủ tướng Phạm Minh Chính lam bồ Mpồl Kwang bàng dờng màng Cíñ phủ Việt Nam neh tus càr lơgar Washington, lơgar Mỹ sơn đờm dơ̆ lòt Pơrjum kwang bàng kâp dờng mpồl ASEAN mờ lơgar Mỹ. Kờp dŭ tàm Pơrjum kâp dờng kuơmàng do, kwang đơng lam bồ ală lơgar ASEAN mờ Kwang atbồ lơgar Mỹ geh sền wơl mờ sền sơ wì jơh gơl gùng git gơp lơh broă bal 2 gah tàm 45 nam do mờ ai tơlik ală gùng dà kuơmàng bơtàu tơnguh git gơp mpồl ASEAN mờ lơgar Mỹ tàm tơngai tus, mờ kung lời tŭ tơngai cribơyai bè ală broă tàm tiah do mờ dunia sền gròi bal.

Thủ tướng Phạm Minh Chính tus càr lơgar Washington, lơgar Mỹ

Kung tàm dơ̆ lơh broă, Thủ tướng Phạm Minh Chính geh ală dơ̆ wă kwang đơng lam bồ 2, 3 Ƀộ, anih lơh broă, mpồl lơh broă dunia, mpồl lơh sa kă bro, cau jak chài, cau kơlôi sơnơng tàm lơgar Mỹ; còp ală anih lơh sa, niam chài, bơto bơsram bơh lơgar Mỹ dê; tus bal ală broă lơh hòi jà kă bro, nhơl chờ mờ bơcri priă. Thủ tướng kung lời tŭ tơngai tìp mat mpồl cau việt Nam tàm lơgar Mỹ.

Cau mblàng K’Duẩn