Đơs tàm pơrjum, Thủ tướng Phạm Minh Chính jờng rơ lơgar Australia yal bơtơl 222 tơlăk 50 rơbô dolar priă lơgar Australia ai lơh broă bal mờ ală lơgar tàm tiah dềt Mekong, lơh geh Kes priă bơcri 2 tơmàn dolar priă lơgar Australia mờ ală jơnau bơceh lơh ndai nàng lơh pràn kă bro mờ bơcri priă mờ ală lơgar tàm mpồl ASEAN tàm tơngai tus.

Cri bơyai bè ală gùng dà bơtàu tơnguh bơta git gơ̆p tàm tơngai tus, bàr gah ring bal pal lơh ngan ai geh tam gơl pràn kơl dang tàm broă lơh bal lơh sa, tàm hơ̆ uă ngan là kă bro mờ bơcri priă bơh broă lơh geh cồng nha Hiệp địñ kă bro khăt gơboh đah mpồl ASEAN – Australia – New Zealand pa geh tơnguh pràn mờ Hiệp định lơh broă bal lơh sa tơl ală bơta tàm tiah do (RCEP); mờ lơh pràn lơh broă bal tàm ală gah broă pa bè tam gơl pabơceh lơh, lơh sa sồ, tam gơl tơlor, tam gơl năng lượng, kă bro điện tử, tơrbŏ bal, ai ală gah lơh broă bal do gơs ală bơta pràn lơh gơguh pa ai bơta git gơ̆p lơh sa bàr gah in.