Thủ tướng Phạm Minh Chính pà git, lơgar Việt Nam sùm sền kwơ lơh nền nòn bơta git gơ̆p mờ lơgar Đức tàm ală gah broă mờ đơs niam cồng nha lơh sa kă bro bơh Siemens dê tàm dunia đơs bal mờ tàm lơgar Việt Nam đơs is, kwơ màng là ală rơndăp broă tàm ală gah broă điện – khí, kơ khí lơh phan, bơtàu tơnguh phan bơna năng lượng mờ lơh geh bơta chài lơh sa mờ măi mok, bơtàu tơnguh gùng rơndeh ồs.

Nàng pơgồp bal pơn jăt tai lơh geh ală jơnau ring bal bơh kwang đơng lam kấp dờng bàr lơgar dê. Thủ tướng hòi jà Siemens lơh pràn broă lơh bal mờ lơgar Việt Nam tàm ală gah broă kông nghệ kao, lơh pràn broă tam gơl pa bơceh lơh; lơh broă bal tam gơl tơlir, bơtàu tơnguh gah lơh sa mờ măi mok năng lượng lơh geh wơl, tam gơl sồ, lơh anih tờm kơlôi sơnơng mờ bơtàu tơnguh bơh Siemens dê tàm lơgar Việt Nam…

Siemens là tập đoàn dờng lơgar Đức dê, geh uă broă lơh mờng chài mờ broă lơh gơguh jăk tàm gah lơh sa mờ măi mok, sền gàr bơta pràn kơl dang să jan, gùng lòt mờ bơtàu tơnguh phan bơna ngăc ngar. Tập đoàn geh 320 rơbô nă cau lơh broă mờ priă geh tàm gùt plai ù là 78 tơmàn euro tàm nam 2023.