VOV4.K’ho- Mho ngai 15/6, Thủ tướng Cíñ phủ ồng Phạm Minh Chính wă Đại sứ lơgar Ai Cập tàm lơgar Việt Nam tus lùp còp. Tàm dơ̆ wă, Thủ tướng đơs nền Việt Nam sùm sền dờng màng bơhiàn tam klac, lơh bơyô, lơh broă bal đah 2 lơgar Việt Nam mờ Ai Cập. Thủ tướng sồr 2 gah pal pơgồp bal jơh nùs nàng ai git gơp lơh broă bal uă gah đah 2 lơgar bơtàu tơnguh tàm jơh ală bơta, ngan ngồn mờ geh cồng nha bơh ală mpồl broă lơh bè: sơlơ tìp mat, tàm pơgơl mpồl kwang bàng tàm ală gah cíñ trị, lơh sa.

Thủ tướng Phạm Minh Chính wă Đại sứ Ai Cập

Thủ tướng sồr 2 gah pal sơlơ tơnguh lơh broă bal tàm ală gah gùt plai ù mờ tàm ală dơ̆ cribơyai uă lơgar; kờñ gùng dà broă lơh bơh mpồl ASEAN mờ lơgar Việt Nam dê bè broă tàm dà lềng đah mat tơngai lik; tơnguh lơh broă bal sền gàr lơngăp lơngai, sền gàr dà lơgar mờ lơh broă bal tus bal mpồl sền gàr ring lơngai bơh Liên hợp quôk dê, jat bơnàng jă ki ngàm gơnoar mờ bơta kuơ dipal bơh ală lơgar dê, tă pơgồp tàm ring lơngai, kơ̆ kơljap jŏ jòng sùm, lơh broă bal mờ bơtàu tơnguh tàm tiah do mờ tàm dunia.

Cau mblàng K’Duẩn