Thủ tướng Phạm Minh Chính neh geh dơ̆ wă Đại tướng Vilay Lakhamphong, Ủy viên Ƀộ Cíñ trị, Phó Thủ tướng, Ƀộ trưởng Ƀộ Kwang àng Lào lam bồ Mpồl kwang bàng Ƀộ Kwang àng Lào lòt còp, lơh broă tàm lơgar Việt Nam, tus bal Pơrjum tơn jơh broă rơndap lơh lơh broă bal nam 2022 mờ Pơrjum 2 gah kâp Ƀộ trưởng đah Ƀộ Kwang àng 2 lơgar Việt Nam- Lào bè lơh broă bal rơcang sơndră ma tuý.

Thủ tướng wă Đại tướng Vilay Lakhamphong, Phó Thủ tướng, Ƀộ trưởng Ƀộ Kwang àng Lào (rùp: TTXVN)

Tàm dơ̆ wă, Thủ tướng đơs nền, 2 lơgar pal sơlơ tam klac, ring bal, pơgồp bal jơh nùs, geh cồng nha rlau tai, dong tơl lơgar bơt bơtàu rài lơh sa rơcăng lài is ngai sơlơ uă. Gah sền gàr dà lơgar- sền gàr lơngăp lơngai là tơngume tờm tàm git gơp đah 2 lơgar, Thủ tướng sồr 2 lơgar pal pơn jat tai sơlơ tơnguh rlau tai, ngui niam rlau tai cồng nha niam bơnĕ tàm tơngai lài nàng sền gàr kơ̆ lơngăp lơngai dà lơgar, sền gàr ring lơngai, ờdo ờdă mpồl bơtiàn 2 lơgar, tàm hơ̆ geh lơngăp lơngai tàm internet, gàr tơl phan sa, gàr tơl năng lượng.. tàm tơl bơta, tơl broă gơlik geh, ngan là tàm tŭ tơngai geh uă kal ke, bơta lòng bè tŭ do.