VOV4.K’ho- Sền sơ wì jơnau yal bơh Anih yal tơnggit jơnau điện tử Cíñ phủ dê bè cồng nha cribơyai “Ală broă lơh nàng bơsong bơta ờ tơl sơnơm, phan lơh sơnơm”, Thủ tướng Cíñ phủ Phạm Minh Chính geh jơnau đơs đơng lam bè do: Kwang atbồ ing Ƀộ Y tế kơlôi sơnơng, lùp jơnau đơs bơh cau jak chài dê tàm jơnau yal cồng nha dơ̆ cribơyai nàng sồr lam lơh ală broă lơh dipal bơsong bơta ờ tơl sơnơm, phan lơh sơnơm tàm ală anih kham sơm kòp. Nàng bơsong bơta ờ tơl sơnơm, phan bơna, măi mok lơh sơnơm, lài ngan pal geh jơnau sền sơ wì khà, bơta geh ngan ờ tơl sơnơm tàm ală kâp, dà lơgar, kâp càr, kâp kơnhoàl, hìu sơnơm, jòi git jơnau bơh tài ờ tơl sơnơm bơh tơl mpồl dê. Ƀộ Y tế pal mhar tam gơl mờ gờñ ai tơlik ală thông tư geh gơ rềng pơlam jòi cau lơh, thông tư bè cih mat sơnơm, khà priă sơnơm, pơlam blơi phan bơna, măi mok lơh sơnơm, tàm hơ̆ geh phan lơh sơnơm.

Cau mblàng K’Duẩn