VOV4.K’ho- Klo ngai 29/08, tàm hìu lơh broă Cíñ phủ, Thủ tướng Cíñ phủ ồng Phạm Minh Chính wă ồng Alok Sharma, Ƀộ trưởng mơkung là Củ tịck COP26 mờ Mpồl lơh broă bơh lơgar Anh dê còp mờ lơh broă tàm lơgar Việt Nam.

Thủ tướng Cíñ phủ ồng Phạm Minh Chính wă ồng Alok Sharma, Ƀộ trưởng mơkung là Củ tịc COP26

Tàm dơ̆ wă, 2 gah đơs bal tam gơl trồ tiah ngai sơlơ gơ gơs ờ niam, ờ gơtùi gĭt lài mờ kal ke ngan yal tơngĭt lài trồ tiah dà ia tàm jơh gùt plai ù dê, den tàng, pal geh nùs nhơm tam klăc dunia mờ broă lơh jơh gùt plai ù nàng sơndră wơl mờ tam gơl trồ tiah. Mờ nùs nhơm lam lơh jat krañ cê jơh nùs jơnau hơ tàm COP26 dê, Việt Nam neh kĭ ring bal broă lơh jŏ jòng dà lơgar bè tam gơl trồ tiah tơngai tus nam 2050; broă lơh lơh broă bè tam gơl năng lượng tơlir; Broă rơndap lơh lơh broă dunia bè gơguh lơh sa tơlir tơngai bơh nam 2021-2030.... Thủ tướng Cíñ phủ sồr lơgar Anh mờ ală lơgar lơh broă bal bơtàu tơnguh tàm ală tŭ cribơyai lơh bơta gĭt gơ̆p lơgar lơh broă bal tam gơl năng lượng ring bal pal dong kờl Việt Nam bè kông nghệ mờ priă jền, bơdìh hơ̆ bơtàu tơnguh mpồl cau lơh broă, lơh sir kơrnoat boh lam mờ tam pà bal bơta mờng chài.

Cau mblàng K’Hạnh