Tàm do, Thủ tướng sồr Mpồl Ătbồ Gơlăng ƀồc pơn jăt tai đòm jăt bơhiàn pơnrơ dờng ngan, nùs nhơm geh kơnòl tềng đăp Đảng, Dà lơgar mờ Làng bol, sùm yờ tơngguh uă pràn jak nàng tàm tơl bơta pal lơh jăt niam ngan rlau jơh kơnòl broă prăp gàr jŏ jòng, sền gàr dồ bă niam lơngăp lơngai ngan ƀồc Củ tịc Hồ Chí Minh.

Pal rơcăng lài, lơh ngan mờ lơh jăt niam rlau tai nùs nhơm bơceh lơh, tam gơl pa nàng ai ù tiah Ƀlàng dờng Ba Đình mờ ală Tiah tềl lời wơl gơrềng tus Củ tịc Hồ Chí Minh mờ Tiah kah kơlôi Cau khin cha jak chài chơ̆t màng gơgơs anih pơrjum niam chài, cíñ trị, wèt tus là tiah “jòi rê hờ mò pàng” bơh tơl nă làng bol Việt Nam dê tŭ tus mờ Hà Nội mờ rê mờ Wa Hồ. Lam lơh drơng broă niam, wil tơl ală broă lơh còp ies bơh làng bol mờ năc ală lơgar dê.