VOV4.K’ho- Thủ tướng Cíñ phủ ồng Phạm Minh Chính pa kĭ sră nggal bè broă mhar cit sơnơm vaccine mờ chồl pràn lam lơh ală broă lơh rơcang sơndră kòp Kovid-19.

Tàm sră nggal pơyua đơs loh, tềng đap ală broă gơlik geh pa bơh kòp Kovid-19 dê tàm ƀòn dờng Hà Nội mờ 2, 3 càr, ƀòn dờng ndai, ngan là jơnau pơhìn bơtờp uă kòp tài bơh jơi tam gơl să Omicron, nàng pơn jat tai lam lơh geh cồng nha ală broă lơh rơcang sơndră kòp, ngan là tàm dơ̆ sa tềp Ñâm Zần, Thủ tướng Cíñ phủ sồr Kwang atbồ Mpồl đơng lam rơcang sơndră kòp Kovid-19, Củ tịc Ủy ƀan Ñân zân càr, ƀòn dờng gơ wèt dà lơgar tơrgùm đơng lam lơh jat jơh nùs, kràñ cê ală broă lơh rơcang sơndră kòp jat di ală jơnau đơng lam bơh Cíñ phủ, Thủ tướng Cíñ phủ, Mpồl đơng lam dà lơgar rơcang sơndră kòp Kovid-19 dê, ngan là broă lơh 5K mờ kuơmàng là tơnguh jơnau git wă làng bol dê sền gàr is pràn kơldăng să jan ai să tờm he dê, ai hìu bơnhă he in, ai mpồl bơtiàn in mờ ală broă lơh rơcang sơndră mờ jơi tam gơl să pa Omicron, ờ gŏ di sền ờ sơp, roh bơta rơngac ngac; sơlơ tơnguh broă sơm kòp tàm hìu jat jơnau pơlam nền nòn, kràñ cê bơh Ƀộ Y tế dê gơ wèt tus mờ cau bơtờp kòp Kovid-19 geh tềl tơnggŏ kòp nggờc mờ ờ geh tềl tơnggŏ kòp.

Cau mblàng K’Duẩn