VOV4.K’ho - Phó Thủ tướng Thường trực Cíñ phủ ồng Phạm Bình Minh pa kĭ sră nggal bè broă chồl mhar broă lơh mờ broă bơcri priă ODA, priă càn sa priă cồng ờ uă bơh lơgar bơdìh dê. Sră geh cih loh: Tŭ do, bơta kòp Kovid-19 neh geh sền gròi tàm gùt lơgar. Kơnòl chồl pràn broă bơcri priă dà lơgar, tàm hơ̆ geh priă ODA, priă càn sa priă cồng ờ uă bơh lơgar bơdìh (Priă ODA) geh sền bè dùl tàm ală broă lơh “tòm” kwơ màng nàng brồ guh wơl lơh sa, lơh geh cồng nha jơnau kờñ tơnguh bơtàu lơh sa mpồl bơtiàn nam 2022.

Nàng chồl mhar broă lơh jăt mờ bơcri priă ODA, mờ tơnguh uă cồng nha broă ngui mờ pơgồp bal kwơ màng tàm broă brồ guh wơl lơh sa, lơh ngan geh khà bơcri priă ODA nam 2022 geh 100% khà rơndăp broă, Thủ tướng Cíñ phủ sồr ală Ƀộ, anih lơh broă Dà lơgar mờ ală càr, ƀòn dờng pơn jăt tai lơh jăt nền nòn ală Nghị quyết bơh Đảng, Quốk hội, Cíñ phủ mờ jơnau đơng lam bơh Thủ tướng Cíñ phủ bè broă chồl pràn bơcri priă dà lơgar đơs bal, priă ODA đơs is; sền kơnòl broă bơcri priă ODA là dùl tàm ală kơnòl cíñ trị tờm tàm nam 2022 mờ ală nam pơn jăt tai.

Cau mblàng Ndong Brawl