Rơndap broă lơh jòng mờr 519 kơi sồ, lòt gan 9 càr, geh kờp jơh priă tă lơh mờr 22 rbô tơmàn đông, geh sơn đờm lơh bơh bồ nam do. Tus tŭ do, neh lơh gơs broă ai ù lơh rơndap broă, lơh gơs broă tuh jrong, lơh gơs broă tac phan bơna, măi mok ai ală mpồl lơh rơndap broă in… Ală bơnah broă ờ hềt lơh gơs uă ngan gơ ơm tàm ù tiah 2 càr Nghệ An mờ Hà Tĩnh; gam mhar lơh ală bơnah broă gam wơl nàng lơh gơs, lơh gùng che đèng lài mờ ngai 19/8 do.

Thủ tướng Cíñ phủ ồng Phạm Minh Chính đơs nền, gùng che đèng 500kV che 3 geh gơtha dờng ngan, tơnguh broă pờ tơlik ồs đèng ai tiah đah tô dà lơgar in, drơng ai ồs đèng sùm ai broă lơh sa, ngui tàm rài kis bơh làng bol, mpồl lơh sa kă bro dê in. Thủ tướng Cíñ phủ jàu kơnòl mùl màl ai tơl ƀộ, gah broă lơh dà lơgar, càr, mpồl lơh broă in; mờ kung sồr ală mpồl pơgồp bal jơh nùs, dong kờl bal mờ gơp lơh gơs niam kơnòl broă.