Tàm dơ̆ tìp mat, Thủ tướng Cíñ phủ ồng Phạm Minh Chính đơs sùm lơgar Việt Nam sền dờng màng chồl tơnguh bơta gĭt gơ̆p lơh bơyô bal mờ lơh broă bal mờ ală lơgar câu Phi, tàm hơ̆ geh lơgar Burundi. Thủ tướng jờng rơ mờ ưn ngài Cíñ phủ Burundi neh kờñ rơndăp broă lơh bơcri priă lơh viễn thông bơh mpồl lơh sa kă bro lơgar Việt Nam dê tàm lơgar Burundi, pơgồp bơnah tă pơgồp ai bơta bơtàu tơnguh lơh sa- mpồl bơtiàn tàm lơgar do dê.

Thủ tướng sồr lơgar Burundi lơh geh ală bơta ƀuơn ngan ai ală mpồl lơh sa kă bro lơgar Việt Nam in lơh broă tàm lơgar Burundi. Mờ Thủ tướng kung sồr 2 gah sơlơ tơnguh tàm pơgơl kă bro, lơh broă bal lơh sa suơn sre. 2 gah ring bal rơ̆p pơn jat tai sơlơ tơnguh lơh broă bal mờ tàm dong kờl bal mờ gơ̆p tàm ală dơ̆ cribơyai uă lơgar kung bè sơlơ tơnguh lơh rƀàng tàm tơrbŏ bal lơh broă bal bơh 2 lơgar dê mờ Asean, Mpồl tam klăc câu Phi (AU) mờ đah Asean mờ Mpồl tam klăc câu Phi.