Đơs tàm dơ̆ tìp măt, Thủ tướng Cíñ phủ ồng Phạm Minh Chính nting bơr gờm chờ mờ jờng rơ ală cồng nha mờ cau ùr Việt Nam dê neh lơh geh tàm tơngai do. Tàm tơngai tus, Thủ tướng sồr, pơn jăt tai, kơlôi sơnơng mờ lơh jăt geh cồng nha Kơrnoăt Pơrjum dờng dơ̆ XIII bơh Đảng dê; lam lơh ngan ngồn ală Kơrnoăt, Jơnau sồr bơh Đảng Dà lơgar, Ƀộ Cíñ trị, Ƀan Ƀí thư dê bè broă lơh ùr kwang bàng, ring bal ùr klau, tài bơta gơguh jak bơh cau ùr dê, pơgồp bơnah lơh geh ală jơnau kờñ bơtàu tơnguh kơ̆ kơl jăp tus nam 2030. Tàm dơ̆ tìp măt, Thủ tướng neh jàu 02 khà jờng Kovalevskaia ai 10 nă ùr jak chài in geh cồng nha kơlôi sơnơng jak chài jak ngan. Do là ală krơh cau ùr pơnrơ bè tam gơl pa bơceh pa, khin kơlôi, khin lơh, ala măt ai bồ tơngoh ngac ngar jak chài, bơta kơ̆p kờñ sùm bơh Việt Nam dê.