VOV4.K’ho- Thủ tướng Cíñ phủ lơh nền lơh glài tơn jơh gơnoar broă Củ tịc càr Gia Lai gơ wèt mờ ồng Võ Ngọc Thành mờ lơh glài đơs lah tơngkah ală Phó Củ tịc càr: Đỗ Tiến Đông, Hồ Phước Thành, Kpă Thuyên mờ Phó Củ tịc lài do ồng Nguyễn Đức Hoàng.

Ồng Võ Ngọc Thành (Ƀăo Gia Lai)

Phó Thủ tướng Thường trựk ồng Phạm Bình Minh neh kĭ tơlik Kơrnuat bơh Thủ tướng Cíñ phủ dê lơh nền lơh glài mờ broă lơh tơn jơh at gơnoar broă Củ tịc càr Gia Lai tơngai lơh broă bơh nam 2021 tus nam 2026 mờ tơn jơh gơnoar broă Củ tịc Ủy ƀan Ñân zân càr Gia Lai tơngai lơh broă bơh nam 2016 tus nam 2021 gơwèt mờ ồng Võ Ngọc Thành tài neh geh ală broă lơh tìs, bơta ờ niam tàm broă lơh mờ Ƀan Ƀí thư neh lơh glài bè đảng. Ƀan Ƀí thư lơh glài tơngkah Mpồl kwang bàng duh broă Đảng Ủy ƀan Ñân zân càr Gia Lai tơngai lơh broă bơh nam 2016 tus nam 2021; đơs lah Mpồl kwang bàng duh broă Đảng Ủy ƀan Ñân zân càr Gia Lai tơngai lơh broă bơh nam 2021 tus nam 2026. Lài hơ̆, tàm pơrjum dơ̆ 18 geh lơh tàm ngai 10 mờ ngai 11/8/2022, Ủy ƀan sền sơ wì dà lơgar neh lơh nền broă lơh glài gơ wèt mờ ală cau dùl nă să lơh tìs gơ rềng tus rơndap broă lơh ƀlàng nhơl golf Đăk Đoa tàm càr Gia Lai.

Cau mblàng K’Duẩn