Đơs tàm dơ̆ cribơyai, Thủ tướng Phạm Minh Chính yal bè dơ̆ tìp mat cribơyai broă jơh nùs, sơrmah sơrmài mờ geh cồng nha mờ Thủ tướng Hà Lan ồng Mark Rutte. Thủ tướng đơs nền, Hà Lan là lơgar geh uă mờng chài bơcri priă tàm Việt Nam. Hà Lan là lơgar bơcri priă dờng ngan rlau jơh tàm khà ală lơgar EU bơcri priă tàm Việt Nam, kung là lơgar lơh broă bal kă bro dờng dơ̆ 2 bơh Việt Nam dê tàm câu Âu.

Tơngai tus, mờ ală broă lơh ngan, pơn đơl pràn bơh 2 gah dê mờ lài ngan là bơta git gơp lơh bơyô kơ̆ kơljap bơh làng bol 2 lơgar dê, Thủ tướng pin dờn là, lơh broă bal bơcri priă- kă bro geh pơn jat tai là gah tờm ngan tàm git gơp đah Việt Nam mờ Hà Lan, mờ kung là bơta pràn nàng ai git gơp lơh broă bal đah 2 lơgar brồ guh tus dùl khà pa.