Đơs nền wơl nùs nhơm, kơrnuat pal jat bơh mpồl ASEAN dê bè ală broă tàm tiah do, tàm dunia sền gròi bal, Thủ tướng đơs nền, sền gàr ring lơngai, kơ̆ kơljap, lơngap lơngai, ring lơngai khat gơboh gùng dà lềng mờ gùng rơndeh par tàm dà lềng đah mat tơngai lik ờ mìng là bơta kuơ, mờ gam là kơnòl bơh jơh ală lơgar dê.

Thủ tướng sồr mpồl ASEAN, bulah kal ke, pal kơ̆ dơn mờ jơnau kờñ dong kờl Myanmar lơh jat tơl làm “Jơnau ring bal 5 bơta” tài làng bol Myanmar, tài tam klac bal, bơngă pin dờn mờ rùp hin bơh mpồl ASEAN dê, tài bơta kơp kơnờm bơh mpồl bơtiàn dunia dê; dong Củ tịc mpồl ASEAN là lơgar Indonesia mờ Kwang ala mat ngui niam gơnoar broă lam lài, tề lam mpồl ASEAN lam lơh jơnau kờñ do. ASEAN pal gàr sùm broă tus bal song dơpă, ring bal, geh kơnòl tàm broă đah Nga mờ Ukraine, pơgồp bal mờ ală mpồl lơh broă bal, tơrmù ƀà gơ rềng bơh dơ̆ tam lơh dê tus tiah do, tă pơgồp bal ai ring lơngai, kơ̆ kơljap, lơh broă bal mờ bơtàu tơnguh in.