Rơndap broă lơh gùng tơrbŏ bal tiah Hòa Bình- Hà Nội mờ gùng rơndeh ntoat rat Sơn La (Hòa Bình- Mộc Châu) mờ kờp jơh priă bơcri 4 rbô 120 tơmàn đông mờ jòng mờr 50 kơi sồ geh lơh gơs gơl gùng pleh kuơmàng ngan, tơrbŏ bal ală gơl gùng, dong tơrmù lơyah gùng lòt, tŭ tơngai lòt bơh Hà Nội- ƀòn dờng Hòa Bình- Kim Bôi, sơlơ tơnguh bơta pràn tàm tơrbŏ, kă bro đah ală càr Hà Nam- Hòa Bình- Phú Thọ- Sơn La mờ phan bơna gùng lòt dà lơgar.

Đơs tàm dơ̆ bơyai lơh, Thủ tướng Cíñ phủ ồng Phạm Minh Chính sồr, gơ wèt mờ ală cau lơh rơndap broă, cau pơlam jat sền pal lơh gơtùi jơnau sồr geh ai tơlik gơ wèt mờ broă lam lơh Rơndap broă là lơh gơtùi tŭ tơngai hơ pơrgon. Thủ tướng sồr Ƀộ Giao thông Vận tải, ală ƀộ, gah broă lơh geh gơ rềng pơgồp bal jơh nùs mờ cà Hòa Bình nàng di tŭ dong kờl, pơlam tàm tŭ kuơmàng, gàr niam broă lam lơh Rơndap lơh lơh jat tŭ tơngai hơ pơrgon, lơh geh bơta niam jat jơnau sồr.