Viện Cíñ sác Australia– Việt Nam geh tơlik mat nàng kờñ kơlôi sơnơng mờ gĭt loh rlau bè bơta gĭt gơ̆p lơh broă bal kwơ màng đah Australia mờ Việt Nam: pơgồp bơnah lơh geh cồng nha “Broă rơndăp lơh Lơh sa Tiah đah Jum Mat tơngai lik câu Á tus nam 2040” bơh lơgar Australia dê.

Thủ tướng Cíñ phủ Phạm Minh Chính jờng rơ uă ngan broă tơlik mat Viện Cíñ sac Australia mờ Việt Nam; pin dờn rơ̆p tus bal tàm broă tă pơgồp bal broă lơh ai Cíñ phủ 2 lơgar in, nàng kờñ sồr lơh geh mờ tơnguh uă bơta niam gĭt gơ̆p 2 lơgar dê ngai sơlơ geh mut lơh jrô nàng lam uă, ngan ngồn, geh cồng nha tàm jơh ală gah, tài bơh bơta bơtàu tơnguh bơh tơl lơgar dê, tài làng bol 2 lơgar mờ tài ring lơngai, lơh broă bal, bơtàu tơnguh tàm tiah do mờ tàm dunia.