Đơs tàm Pơrjum dờng Thủ tướng đơs sùm, Kwang àng làng bol lài do là ală cau neh lòt gan tŭ tơngai tam lơh, pơlam tàp mờ dờng pràn bơh bơta kal ke bòl glar bơh ală dơ̆ tam lơh dê, lòt gan dơ̆ tam lơh sền gàr lơngăp lơngai Dà lơgar, neh geh ală tă pơgồp dà kơl hề dờng màng ngan ai broă lơh tam lơh tơngklàs jơi bơtiàn, bơt bơtàu mờ sền gàr Dà lơgar; mờ tŭ do gam là dùl mpồl kwơ màng ngan bơh mpồl bơtiàn dê.

Thủ tướng đơs nền, Đảng, Dà lơgar sùm sền dờng màng mờ jờng rơ uă ngan ală tă pơgồp kwơ màng bơh mpồl Kwang àng làng bol lài do dê tàm broă lơh bơt bơtàu mờ sền gàr Dà lơgar; neh geh uă broă lơh hòi jà tơrgùm bal bơta pràn bơh mpồl Kwang àng làng bol lài do dê tàm broă lơh bơt bơtàu Dà lơgar mờ ngan là gùng dà broă lơh, broă dong kờl gơwèt kwang bàng, Kwang àng neh ơm rlô jơh sơnam lơh broă; neh đơng lam, sồr lơh Đảng ủy Kwang bàng Dà lơgar, Bộ Kwang àng lơh geh ală bơta tơlik mat, pồ tơl kwang bàng tàm Kâu lạc ƀộ, Mpồl tam yal tơngĭt jơnau Kwang àng neh ơm rlô  jơh sơnam lơh broă ală kấp bơh Dà lơgar tus ală tiah.