Ngai do, 8/10, dờp jơnau jà bơh Thủ tướng Kộng hòa Zân củ Ñân zân Lào ồng  Sonexay Siphandone – Củ tịc Asean nam 2024, Thủ tướng Cíñ phủ ồng Phạm Minh Chính lam bồ mpồl ala mat kwang bàng kấp dờng lơgar Việt Nam tus bal Pơrjum dờng kwang bàng kấp dờng Asean dơ̆ 44, 45 mờ ală pơrjum Kwang bàng kấp dờng geh gơrềng ndai tàm Vientiane, lơgar Lào bơh ngai 8 tus ngai 11 nhai 10.

Do là ală broă lơh kwang bàng kấp dờng kwơ màng ngan rlau jơh bơh Asean dê tàm nam do, mờ bơta tus bal bơh Kwang đơng lam bồ ală lơgar Asean, Timor-Leste mờ 10 lơgar lơh broă bal bơh Asean dê, bal mờ uă năc jà là ala mat ală mpồl ală lơgar mờ tàm tiah do. Mờ tơngume “Asean: sơlơ tơnguh tai tàm tơrbŏ bal mờ pràn is”, ală kwang đơng lam bồ rơ̆p tơrgùm cribơyai tàm ală broă kwơ màng, rềp mờ Asean mờ tàm tiah do dê, sơlơ tơnguh tai cribơyai, lơh broă bal jrô ơnàng làm uă, pơgồp bal niam, gĭt bal tŭ tơngai niam mờ sơr lèt gan bơta lòng. Mờ nùs nhơm rcang lài tă pơpgồp mờ pơn đơl pràn lơh ngan jơh nùs ai cồng nha lơh geh bal, mpồl kwang bàng Việt Nam bơh Thủ tướng Cíñ phủ ồng Phạm Minh Chính lam bồ tus bal ală dơ̆ Pơrjum dơ̆ do, yal tơngĭt uă jơnau yal kwơ màng bè Asean mờ rài tơnơ̆ do bơh Asean dê.