VOV4.K’ho- Drim ngai 12/01, Thủ tướng Cíñ phủ ồng Phạm Minh Chính neh tus bal mờ đơng lam tàm Pơrjum tơn jơh broă lơh nam 2021 mờ lam lơh kơnòl broă nam 2022 bơh gah Nội vụ dê, bơh Ƀộ Nội vụ bơyai lơh jat broă lơh pờ tơlik tơn tàm internet mờ 63 càr, ƀòn dờng. Đơs tàm pơrjum, Thủ tướng Cíñ phủ ồng Phạm Minh Chính cih dờp mờ jờng rơ ală cồng nha mờ gah Nội vụ neh lơh geh tàm nam 2021, pơgồp bơnah kuơmàng tàm bơta bơtàu tơnguh bal bơh dà lơgar dê. Bơdìh hơ̆ tai, Thủ tướng kung đơs loh ală bơta ờ niam bơh gah Nội vụ dê bè broă lơh bơt bơtàu thể cế, broă lơh geh bơta gam ờ hềt lơh jat jơnau sồr bơh bơta geh ngan dê ai tơlik.

Tàm tơngai tus, Thủ tướng sồr, tam gơl pa mờ lơh sir kơ cế atbồ kwang bàng, kông cứk, viên cứk gàr niam bơta ring bal tàm anih lơh broă cíñ trị mờ bơt bơtàu kơ cế liên thông kwang bàng, kông cứk kấp xã mờ kấp kơnhoàl, kấp càr. Cribơyai nàng broă rơndap sap sèng cau lơh broă, rơndap sap sèng mpồl kwang bàng duh broă ngac ngar, di mờ broă gơlik geh tŭ do.

Cau mblàng K’Duẩn