Pơgap mờ do 30 nam, ală dơ̆ par bơh Gah rơndeh par Dà lơgar Việt Nam neh par song tơn bơh ƀòn dờng Hồ Chí Minh tus càr lơgar Seol, lơgar Hàn Quốc. Tus tŭ do, gah rơndeh par gam par 6 gùng par song là Hà Nội, ƀòn dờng Hồ Chí Minh - Seoul; Hà Nội, ƀòn dờng Hồ Chí Minh - Busan; Đà Nẵng - Seoul mờ Cam Ranh - Seoul, mờ dơ̆ par kờp bal gơguh tus 112 dơ̆ par pah poh.

Đơs tàm broă lơh, Thủ tướng ồng Phạm Minh Chính đơs sùm rlau 30 nam lơh geh bơta gĭt gơ̆p đah Việt Nam mờ Hàn Quốc bơtàu tơnguh niam bơnĕ, là lơgar lơh broă bal kwơ màng tơl làm bal mờ gơ̆p dê, mờ 5 bơta pơn rơ ngan: pin dờn bè cíñ trị uă, sơlơ tam klăc bal kòn bơnus, mut gơrờm bal bè lơh sa, ndrờm bal bè niam chài, geh bơta kơ̆p kờñ bal bơt bơtàu Dà lơgar pràn kơl dang, kơ̆ kơl jăp, pas gơs, làng bol hờn chờ, hờm ram.