Tàm dơ̆ tìp mat, Thủ tướng ồng Phạm Minh Chính đơs nền, lơgar Malaysia là lơgar lơh broă bal kwơ màng bơh lơgar Việt Nam dê, ngan là bè kă bro, bơcri priă, ală mpồl lơh sa kă bro lơgar Malaysia ngai sơlơ tus bal bơcri priă uă mờ geh cồng nha tàm lơgar Việt Nam. 

Thủ tướng sồr 2 gah cribơyai mờng chài lơh broă, lơh broă bal bơt bơtàu gùng dà broă lơh, broă dong kờl, tơnguh uă bơta pràn jak atbồ, tàm jàu măi mok, bơto bơtê mpồl cau lơh broă jak, ngan là tàm gah broă pa pơn rơ; sơlơ tơnguh lơh broă bal đah ală mpồl lơh sa kă bro 2 gah geh cồng nha rlau tai, sơlơ tơnguh tìp mat lơh kwèng làng bol, lơh broă bal lòt nhơl, niam chài pràn kơl dang rlau mờ ală kơrnoat niam rlau.