VOV4.K’ho- Mho ngai 09/09, Thủ tướng Cíñ phủ ồng Phạm Minhh Chính neh wă Ƀộ trưởng, Củ ñiệm Cơl dŭ lơh broă Hìu lơh broă Thủ tướng lơgar Lào ồng Alounxai Sounnalath tus còp Việt Nam mờ đơng lam bal Pơrjum cribơyai, tam pà bal bơta mờng chài mờ Cơl dŭ lơh broă Cíñ phủ Việt Nam tàm broă lơh cribơyai bal dong Cíñ phủ, Thủ tướng Cíñ phủ.

Thủ tướng wă Ƀộ trưởng, Củ ñiệm Cơldŭ lơh broă Hìu lơh broă Thủ tướng Lào

Tàm dơ̆ wă, Thủ tướng sồr tàm tơngai tus, 2 Cơl dŭ lơh broă lam lơh jat geh cồng nha Sră cih kah bè Broă rơndap lơh lơh broă bal tơngai bơh nam 2022-2023; pơn jat tai pơgồp bal tam pà bal, cribơyai bơta mờng chài tàm broă bơsong broă lơh mờ lam lơh geh cồng nha ală rơndap broă lơh lơh broă bal, ngai sơlơ tơnguh uă rlau tai cồng nha lơh broă cribơyai bal dong Cíñ phủ, Thủ tướng Cíñ phủ 2 lơgar dê đơng lam. Ƀộ trưởng, Củ ñiệm Cơl dŭ lơh broă Hìu lơh broă Thủ tướng lơgar Lào đơs ngan, Lào sùm sền dờng màng, kơ̆p kờñ sền gàr, sơlơ bơt bơtàu mờ bơtàu tơnguh bơta gĭt gơ̆p lơh bơyô bal dờng màng mờ tam klăc bal kwơ màng Việt Nam mờ Lào, pà gĭt geh lơh ngan lam lơh jat ală jơnau sồr, jơnau ring bal bơh kwang bàng kấp dờng 2 lơgar dê, pơgồp bơnah sơlơ tơnguh bơta gĭt gơ̆p tam klăc bal lơh bơyô bal kwơ màng mờ kwang đơng bồ Đảng, Dà lơgar mờ làng bol 2 lơgar neh lơh ngan bơt bơtàu ngai sơlơ mŭt lơh broă làm uă, ngan ngồn mờ geh cồng nha tàm jơh ală gah broă, cèng wơl bơta kwơ ai làng bol tơl lơgar in.

Cau mblàng K’Hạnh