VOV4.K’ho- Mho ngai 28/9, Thủ tướng Phạm Minh Chính wă ồng Charles Kaye, Kwang atbồ dờng gùt plai ù Kes priă bơcri priă Warburg Pincus (lơgar Mỹ). Thủ tướng đơs, git gơp lơh broă bal tơl làm Việt Nam mờ Mỹ pơn jat tai bơtàu tơnguh; kă bro 2 lơgar pơn jat tai gàr sùm khà gơguh niam, geh mờr 87 tơmàn dolar Mỹ tàm 8 nhai bồ nam 2022, gơguh mờr 20% pơndrờm mờ bal dùl tŭ nam 2021. Mỹ pơn jat tai là drà kă bro tac phan hờ lơgar ndai dờng ngan rlau jơh Việt Nam dê, tàm tŭ Việt Nam gơ gơs là lơgar lơh broă bal kă bro dờng dơ̆ 9 bơh Mỹ dê tàm dunia mờ là lơgar lơh broă bal dờng ngan rlau jơh tàm ASEAN.

Thủ tướng Phạm Minh Chính wă Kwang atbồ dờng gùt plai ù Kes priă bơcri priă Warburg Pincus

Thủ tướng sồr Warburg Pincus mờ mpồl cau blơi dờng ơnàng ngan tàm dunia pơn jat tai là rbàng tơrbŏ nàng ai ală cau bơcri priă lơgar Mỹ đơs is mờ lơgar ndai đơs bal tus bơcri priă tàm Việt Nam; mờ kung pơn jat tai rề ơnàng, bơtàu tơnguh tai ală gah kă bro pa, ngan là tàm gah năng lượng lơh geh wơl, bơtàu tơnguh gah lơh sa mờ măi mok phan bơna năng lượng lơh geh wơl mờ jơh nùs tus bal tă pơgồp jơnau đơs, pơlam broă lơh mờ đah Việt Nam

VOV.vn - Cau mblàng K’Duẩn