VOV4.K’ho - Mho òr (11/10), Thủ tướng ồng Phạm Minh Chính neh wă ồng Juan Ignacio Rubiolo, Phó Củ tịc Thường trực Tập đoàn năng lượng AES, lơgar Mỹ. AES là tập đoàn năng lượng geh tàm sră cih măt 500 kông ty dờng ngan lơgar Mỹ dê geh sră ƀăo Fortune rơwah mờ là dùl tàm ală kông ty geh pơnrơ ngan dunia bè gah năng lượng. AES geh uă broă mờng chài tàm broă lơh gơlik, tam pà ồs đèng, bơ̆t bơtàu phan bơna tàm gah lơh sa mờ măi mŏk nhơm tàm dunia.

Tàm dơ̆ wă, Thủ tướng ồng Phạm Minh Chính đơs niam cồng nha bơcri priă kă bro, kung bè ală broă lơh broă bal, dong kờl, lam sồr geh nùs nhơm bơ̆t bơtàu bơh Tập đoàn AES dê tàm lơgar Việt Nam tàm tơngai do; kwơ màng tàm ală gah broă năng lượng tơlir, năng lượng kloh nàng pơgồp bơnah tàm ală broă lơh tam gơl năng lượng, wèt tus jơnau kờñ ờ gam tai nhơm carbon tàm nam 2050. Cíñ phủ lơgar Việt Nam geh lơh broă bal mờ dong kờl, bơsong ală broă geh ai nàng ală rơndăp broă bơcri priă bơh Tập đoàn AES gơtùi lơh gơs, lơh gơtùi mờ geh cồng nha mờ lơh broă bal, bơcri priă kơl jăp.

VOV.vn – Cau mblàng Ndong Brawl