Thủ tướng ồng Phạm Minh Chính ưn ngài, jờng rơ uă ngan ồng Thomas Vallely neh geh uă tă pơgồp kwơ màng ngan, is ồn tàm gah bơto bơtê mờ tìp mat cribơyai broă lơh, pơgồp bơnah cèng wơl cồng nha đơng lam lơh sa mờ bơt bơtàu, sơlơ tơnguh bơta gĭt gơ̆p đah Việt Nam mờ Mỹ.

Thủ tướng sồr Giáo sư ồng Thomas Vallely mờ ală cau gĭt wă jrô tàm broă lơh pơn jat tai dong kờl Việt Nam tàm broă bơto pơlam broă lơh, tàm jàu măi mok, bơto bơtê mpồl cau, tam pà mờng chài lơh broă atbồ ngăc ngar, jàu ală ƀộ, gah broă mờ ƀòn dờng Hồ Chí Minh in ngui ngăc ngar ală broă dong kờl, lơh geh ală bơta ƀuơn ngan ai ală cau lơh broă, cau bơcri priă in đơs bal mờ Hìu bơsram Đại họk Fulbright Việt Nam đơs is broă lơh, bơtàu tơnguh jat tàm ală bơta lơh jat adat boh lam dê.