VOV4.K’ho- Drim ngai 15/06, Thường trựk Ƀan Ƀí thư ồng Võ Văn Thưởng geh dơ̆ lơh broă mờ kwang đơng lam bồ tờm Họk viện Cíñ trị dà lơgar Hồ Chí Minh. Tàm dơ̆ lơh broă, Họk viện Cíñ trị dà lơgar Hồ Chí Minh dan Ƀan Ƀí thư Đảng dà lơgar sền sơ wì kĭ ring bal rơndap broă lơh bơto bơtê cau pơgru lý luận cín trị kấp đại họk gah cau pơgru lý luận cíñ trị nàng kờñ lơh geh bơh sơn rờp mờ jŏ jòng mpồl kwang bàng, cau pơgru bơh ală anih lơh broă Họk viện, ală hìu bơsram cíñ trị càr, ƀòn dờng dê. Broă cau bơsram dờng bơsram gah cau pơgru lý luận cíñ trị geh dờp priă jền dong kờl bè cau bơsram dờng ală hìu bơsram sỹ quan ling klàng, kwang àng.

Ồng Võ Văn Thưởng sồr pơn jat tai bơt bơtàu Họk viện Cíñ trị dà lơgar Hồ Chí Minh gơ gơs là anih tờm kơlôi sơnơng lý luận dà lơgar. Tàm hơ̆ sền ngăc broă tơrgùm bơto bơtê mpồl kwang bàng gơwèt Ƀộ Cíñ trị, Ƀan Ƀí thư atbồ. Bơt bơtàu, bơtàu tơnguh hìu bơsram Đảng tơl làm, di pal mờ hìu bơsram Đảng sơđan mat Củ tịc Hồ Chí Minh dờng màng mờ là anih tờm bơto bơtê kơlôi sơnơng dờng ngan rlau jơh bơh Đảng dê.

Cau mblàng K’Hạnh