VOV4.K’ho- Dờp jơnau jà bơh Cíñ phủ Hàn Quôk dê, Thường trựk Ƀan Ƀí thư ồng Võ Văn Thưởng neh lam bồ Mpồl kwang bàng kâp dờng Đảng he dê geh lòt còp ngan ngồn lơgar Hàn Quôk tus ngai 04/8 do.

Jơnau kờñ bơh dơ̆ lòt còp dê nàng kờñ lam lơh jat gùng dà lơh broă mờ lơgar ndai lơh tờm is, ring lơngai, lơh bơyô bal, lơh broă bal mờ bơtàu tơnguh, lơh gơs bơta li la lơgar lơh broă bal, li la git gơp lơh broă mờ lơgar ndai là bơyô, là lơgar lơh broă bal pin dờn mờ là lơgar geh jơng jơh nùs, geh kơnòl tàm mpồl bơtiàn dunia, tàm hơ̆ sền dờng màng broă sơlơ tơnguh mờ lơh niam rlau tai git gơp lơh broă bal 2 gah mờ ală lơgar lơh broă bal, kuơmàng là Hàn Quôk là lơgar lơh broă bal kuơmàng bơh Việt Nam dê. Kờp dŭ tàm dơ̆ lòt còp, ồng Võ Văn Thưởng geh tus lùp còp Thủ tướng Hàn Quôk, tìp mat Củ tịc Đảng bơta pràn làng bol dà lơgar, tìp mat ala mat kwang đơng lam bồ Đảng Làng bol lơh tờm lòt bal, wă Củ tịc Mpồl git gơp lơh bơyô Hàn Quôk- Việt Nam, wă Kwang atbồ Mpồl ală cau Hàn Quôk geh bơngă pin dờn; wă Củ tịc Mpồl ală cau Hàn Quôk kờñ lơgar Việt Nam, còp Đại sứ quán Việt Nam tàm Hàn Quôk.

Cau mblàng K’Duẩn