VOV4.K’ho- Drim ngai 17/01, tàm càr Quảng Ngãi, ồng Võ Văn Thưởng, Ủy viên Ƀộ Cíñ trị, Thường trựk Ƀan Ƀí thư bal mờ Mpồl kwang bàng dà lơgar neh lòt còp, nting bơr sa tềp ală kwang đơng lam bồ, lài do là kwang đơng lam bồ càr Quảng Ngãi bơh ală tŭ tơngai; jàu pà phan sa tềp pà ală hìu bơnhă cau ling chơt màng, hìu bơnhă geh màng mờ dà lơgar, cau ling sồt să, cau ling khin cha jak chài mờ hìu bơnhă rƀah tàm kơnhoàl Minh Long.

Đơs tàm dơ̆ tìp mat, Thường trựk Ƀan Ƀí thư ồng Võ Văn Thưởng cih dờp ală jơnau đơs tă pơgồp jơh nùs ngan bơh ală kwang đơng lam bồ dờng sơnam dê, lài do là kwang đơng lam bồ càr Quảng Ngãi dê bơh ală tŭ tơngai, pơgồp bơnah uă ngan tàm broă bơt bơtàu mờ bơtàu tơnguh càr, dà lơgar. Ồng Võ Văn Thưởng pin dờn, mờ bơta tam klac bal, lơh ngan bơh Đảng ƀộ, gơnoar atbồ mờ ală rơnàng làng bol, càr Quảng Ngãi geh uă bơta tam gơl pa tàm tơngai tus.

Cau mblàng K’Duẩn