Thượng tướng ồng Nguyễn Tân Cương đơs sùm, lơh broă bal sền gàr dà lơgar đah bàr lơgar tàm tơngai lài pơn jăt tai bơtàu tơngguh ngan ngồn, geh cồng nha, pơnrơ ngan tàm ală broă, bè: Lam lơh jăt jrô ơnàng làm uă Jơnau kĭ hơ (Nghị địñ thư) mờ Broă rơndăp lơh lơh broă bal pah nam đah bàr Ƀộ Quôk phòng; yal bơta gĭt wă bal bè ală broă kwơmàng; bơto mpồl cau lơh broă; lơh broă bal ătbồ, sền gàr tiah nhàr lơgar, dong kờl làng bol tiah nhàr lơgar bơtàu tơngguh lơh sa- mpồl bơtiàn; pơgồp bal, tàm dong kờl bal mờ gơ̆p tàm ală dơ̆ cribơyai, pơrjum uă gah.

Thượng tướng ồng Nguyễn Tân Cương sồr tơngai tus, bàr gah kờñ pal tơrgùm tàm ală broă, bè: Pơgồp bal tă pơgồp jơnau đơs mờ lam lơh jăt geh cồng nha jơnau gĭt wă bal bơh kwang đơng lam bồ kâp dờng mờ Ƀộ Quôk phòng 2 lơgar dê bè lơh broă bal ling klàng, sền gàr dà lơgar; tàm pơgơl mpồl kwang bàng lòt còp bal mờ gơ̆p; tìp măt lơh kwèng bal cau ling geh griăt gam kơnòm să; bơto mpồl cau lơh broă; lơh broă bal ătbồ, sền gàr tiah nhàr lơgar; mblàng yal, bơto bơtê bè bơhiàn ờs mờng gĭt gơ̆p 2 lơgar, 2 ling klàng.