Thượng tướng ồng Trần Quốc Tỏ geh jàu đơng lam broă lơh bơh Ƀộ Kwang àng dê
Thứ năm, 08:44, 23/05/2024 Cau mblàng: K'Duẩn/ VOV Cau mblàng: K'Duẩn/ VOV
VOV4.K'Ho - Ngai 22/5, Thủ tướng Cíñ phủ ồng Phạm Minh Chính kĭ Kơrnuat bè broă jàu đơng lam broă lơh bơh Ƀộ Kwang àng dê.

Jat Kơrnuat, Thượng tướng ồng Trần Quốc Tỏ, Kwang geh jơng tàm Đảng dà lơgar, Phó Ƀí thư Đảng ủy Kwang àng dà lơgar, Thứ trưởng Ƀộ Kwang àng đơng lam broă lơh bơh Ƀộ Kwang àng dê tus tŭ kâp geh gơnăp gơnoar pồ tơl gơnoar broă Ƀộ trưởng Ƀộ Kwang àng jat jơnau cih. Kơrnuat do geh lơh jat bơh ngai kĭ là ngai 22/5/2024.

Ồng Trần Quốc Tỏ deh ngai 28/1/1962, ƀòn tờm xã Quang Thiện, kơnhoàl Kim Sơn, càr Ninh Bình. Kâp bơsram Phó Giáo sư, Tiến sĩ Luật họk, Tội phạm họk, lùp khàu cau tìs; kao kâp lý luận cíñ trị. Ồng Trần Quốc Tỏ là Kwang geh jơng tàm Đảng dà lơgar khoă XII, XIII; Kwang bàng Quôk hội khoă XIV, XV. Bơh nhai 3 nam 2014, ồng Trần Quốc Tỏ là Phó Ƀí thư Tỉñ ủy càr hơ̆ dồng Phó Ƀí thư Duh broă sùm Tỉñ ủy càr Thái Nguyên. Tus nhai 10 nam 2015, ồng at gơnoar broă Kwang geh jơng tàm Ƀan Cấp hàñ Đảng dà lơgar khoă XII; Ƀí thư Tỉñ ủy càr Thái Nguyên tơngai lơh broă bơh nam 2015 tus nam 2020; Kwang atbồ Mpồl kwang bàng Quôk hội càr Thái Nguyên; Kwang geh jơng tàm Ủy ƀan sền gàr dà lơgar mờ lơngăp lơngai Quôk hội khoă XIV. Nhai 5 nam 2020, ồng Trần Quốc Tỏ là Thứ trưởng Ƀộ Kwang àng tus tŭ do.

Cau mblàng: K'Duẩn/ VOV

Viết bình luận

TIN CÙNG CHUYÊN MỤC