Jàu Jơnau lơh nền mờ đơs tàm dơ̆ jàu, Củ tịc lơgar đơs sùm, Kơrnoat pồ do là bơta chờ hờp dờng ngan bơh ồng Trịnh Văn Quyết dê, bơta chờ hờp bal bơh Quân ủy Dà lơgar, Ƀộ Quôk phòng, Tổng kụk Cíñ trị Ling klàng làng bol Việt Nam mờ mpồl ling phàu crong làng bol dê; mơkung tơngŏ bơta pin dờn, sền gròi bơh Đảng, Dà lơgar mờ làng bol dê gơwèt mờ Mpồl ling klàng mờ mpồl ling phàu crong làng bol; bơta cih dờp, jờng rơ uă ngan bơh ală bơta tă pơgồp bal, tă pơgồp bơh ồng Trịnh Văn Quyết dê gơwèt mờ broă lơh Đảng, broă lơh Cíñ trị tàm Mpồl ling klàng tàm ală nam do.

Đơs tàm dơ̆ jàu Jơnau lơh nền, Thượng tướng ồng Trịnh Văn Quyết hơ pơn jat tai pơnđơl pràn lơh ngan, bơto pơlam, pơlam tàp, gàr niam nùs nhơm kăc màng, bơta pin dờn, bơngă bơh kwang bàng, đảng viên; jơh nùs bơsram mờ lơh jat bồ tơngoh, nùs nhơm, broă lơh mờ rài kis Hồ Chí Minh dê, ală nùs nhơm niam kăc màng bơh kwang bàng, đảng viên dê tàm tơngai pa, rcang lài dờp mờ lơh sir tơl kơnòl broă geh Đảng, Dà lơgar, Mpồl ling klàng mờ làng bol dê jàu.