VOV4.K’ho - Jăt kờp dŭ, pơrjum dơ̆ 16 bơh Thường vụ Quốk hội geh sơn đờm tàm ngai 10 nhai 10 do. Tàm pơrjum do, Ủy ƀan Thường vụ Quốk hội geh cri bơya pơgồp jơnau đơs tàm rơndăp cih jơnau yal tơrgùm bal jơnau đơs, jơnau dan bơh cau tĕ khà bal mờ làng bol pơyoa tus pơrjum dơ̆ 4 bơh Quốk hội dê; ai pơgồp jơnau đơs tàm ală jơnau yal: Cồng nha jăt sền broă bơsong, hơ jơnau lùp bơh cau tĕ khà pơyoa tus pơrjum dơ̆ 3 Quốk hội dê; cồng nha wă làng bol, dờp bơsong sră nggal bơh làng bol mờ cồng nha jăt sền jơnau yal yă, yal khài bơh làng bol pơyoa tus Quốk hội nam 2022.

Dơ̆ pơrjum tơngu me adăt boh lam nhai 9 nam 2022 bơh Ủy ƀan Thường vụ Quốk hội dê

Pơgồp jơnau đơs tàm ală jơnau yal bơh Cíñ phủ bè: Broă lơh jăt broă rơndăp lơh tơnguh bơtàu lơh sa mpồl bơtiàn mờ kờp dŭ kes priă dà lơgar nam 2022, rơndăp broă tơnguh bơtàu lơh sa mpồl bơtiàn nam 2023; kờp dŭ kes priă dà lơgar bal mờ gùng dà tam pà kes priă dà lơgar nam 2023; cồng nha lơh jăt broă rơndăp lơh bơcri priă dà lơgar nam 2022; kờp dŭ broă rơndăp lơh bơcri priă dà lơgar nam 2023.

VOV.vn – Cau mblàng Ndong Brawl