Do là tơngume dờng, geh gơ rềng tus jơh ală cau măi rơndeh rơndồ lòt tàm gùng, geh cau tĕ khà mờ làng bol sền gròi uă ngan tàm tơngai lài. Tŭ do, Jơnau rơcang cih adat sồr dan jơnau đơs kwang bàng Quôk hội tàm 2 rơndap broă. Mơya ală kwang bàng Ủy ƀan Thường vụ Quôk hội ring bal mờ rơndap broă sồ 1, cih ờ ai măi rơndeh rơndồ lòt tàm gùng ù gờl mờ tàm mhàm halà nhơm tă geh angkol.

Kwang atbồ Ủy ƀan sền gàr adat boh lam bơh Quôk hội dê mò Lê Thị Nga đơs loh: Bơh tŭ tơngai lam lơh jơnau cih ờ ai do neh geh ngui tàm rài kis mờ geh gal làng bol ring bal lơh jat mờ gam rơhời lơh gơs mờng kwèng “neh ñô ơlak ƀièr den ờ măi rơndeh”, mờ kung lơh gơmù ală dơ̆ rềs àr gùng lòt bơh ơlak ƀièr lơh gơbàn. Ủy ƀan Thường vụ Quôk hội kung sồr cih mùl màl bè sền gàr kơnòm dềt tŭ lòt tàm gùng ù gờl.