Tiah 2 Ling dà lềng lam lơh “Sa tềp tam chi rài rài kah ưn ngài Wa Hồ” Nam pa Giáp Thìn 2024
Thứ năm, 10:33, 15/02/2024
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Ngai òr (14/02), tàm ƀòn dờng Vũng Tàu, càr Bà Rịa – Vũng Tàu, Mpồl đơng lam ling klàng tiah 2 Ling dà lềng bal mờ ală anih lơh broă, mpồl lơh broă tàm gùt pôs ling Long Sơn neh bơyai lơh Lam lơh “Satềp tam chi rài rài kah ưn ngài Wa Hồ” mùl màl chờ gờm, dờp bal 65 nam Ngai Củ tịc Hồ Chí Minh lam lơh “Satềp tam chi” (1959-2024), lơh jăt broă lơh tam dùl tơmàn tờm chi “Tài dùl lơgar Việt Nam tơlir” bơh Thủ tướng Cíñ phủ lam lơh.
Đơs uă jơnau kờñ, bơta kwơ bơh dơ̆ pơrjum, Đại tá Lê Bá Quân, Phó kwang đơng lam – Kwang atbồ Mpồl pơlam broă Tiah 2 Ling dà lềng sồr kấp ủy, đơng lam ală kấp pơn jăt tai đơn glam, lam lơh niam broă mblàng yal, bơto bơtê ai ală kwang bàng, cau ling git bè jơnau kờñ, bơta kwơ bơh broă tam chi; gơnoar broă gơrềng bal dờng màng, bơta kwơ tơl ală bơta, jŏ jòng, bơta kwơ niam bơh broă tam chi mờ sơnka sền gàr tờm chi di pal mờ rơndăp ù tiah pôs ling dê, bơta niam ù tiah, khà geh ai, bơta tờm chi dê.
Đại tá Lê Bá Quân pà git: Tàm tơngai tus, Mpồl đơng lam Tiah 2 Ling dà lềng mờ ală mpồl ling gơwèt bal geh pơn jăt tai tam pa rơlao 3 rơbô tờm chi nàng lơh geh ù tiah niam, pôs ling pràn kơl dang, tơlir, kloh, niam.
Viết bình luận