Tàm dơ̆ pơlam tàp lơh broă ngan ngồn dà lơgar geh bơyai lơh bơh ngai 21/08 tus ngai 1/09 bơh 8 càr gơwèt tiah tàm gùl lơgar mờ Tây Nguyên neh sền gròi 280 broă ờ niam ndơ̆p ndơr, tàm hơ̆ geh 202 ờ niam geh aniai kơn jơ̆ ngan, uă rlau 2 dơ̆ ală bơta ờ niam kơn jơ̆ ngan geh sền gŏ tàm ală dơ̆ pơlam tàp lơh broă ngan ngồn nam 2022. Bơta do pà gŏ, ală dơ̆ aniai internet ngai sơlơ uă, khà rơlăc rơlèo mờ kal ke ngai sơlơ gơguh. Mpồl cau lơh broă lơngăp lơngăi internet sồr pal geh bơta gĭt wă mờ bơta chài pal sùm geh sền gĭt mờ bơtàu tơnguh.

Dơ̆ pơlam tàp lơh broă ngan ngồn là 1 tàm ală broă lơh geh cồng nha tàm broă tơnguh uă bơta chài geh ngan ai mpồl drơng ală broă gàr geh lơngap lơngai jơnau yal tàm internet mờ bơsong bơta aniai do. Dơ̆ pơlam tàp lơh broă ngan ngồn sền gàr niam lơngap lơngai jơnau yal tiah tàm gùl lơgar mờ Tây Nguyên nam 2023 geh bơyai lơh tàm 5 ngai. Broă geh pơlam tàp là ală jơnau yal gam ngui tàm càr Dăk Lăk dê.