Tàm tiah tàm dùl lơgar- Tây Nguyên, ală hìu măy pờ tơlik ồs đèng dờng gam tàm bơta ờ tơl dà, pờ đèng ing lơm. Tổng Kông ty Ồs đèng tiah tàm gùl lơgar gam lam lơh uă broă lơh gàr niam ồs đèng, mơkung tơngkah làng bol ờ hoan ngui ồs đèng tàm ală tŭ jiơ geh ngui đèng uă. Tổng Kông ty Ồs đèng tiah tàm gùl lơgar cih dờp bơta pràn mut ngui uă ngan rlau jơh là rlau 3 rơbô 500 MW tàm ngai 21/04, gơguh 10,2% pơndrờm dùl tŭ bal mờ nam 2022. Kờp dŭ lài tàm ală ngai trồ tơngai duh mờr tus, bơta pràn mut ngui uă ngan gam pơn jat tai gơguh. Tàm tŭ hơ̆, khà đèng geh bơh ală hìu măy pờ tơlik ồs đèng tàm tiah tàm gùl lơgar mờ Tây Nguyên geh pơgap 38%. Dilah bơta trồ prang dờng soăt dà gơlik geh kơn jơ̆ tàm uă tiah den bơta pờ ồs đèng sơlơ kal ke rlau tai.

Tềng đap bơta do, Tổng Kông ty Ồs đèng tiah tàm gùl lơgar sồr ală Kông ty Ồs đèng sơr băc mhar lơh mờ lam lơh rơndap broă lơh gàr niam broă pờ ồs đèng kàl prang; rơndap tŭ tơngai gơ sơ̆t đèng di pal, sơlơ tơnguh ngui kông nghệ lơh niam gùng che ồs đèng nàng tơrmù uă ngan rlau jơh bơta kal ke pờ đèng. Tổng Kông ty Ồs đèng tiah tàm gùl lơgar tơngkah làng bol ngui ồs đèng tềm pềr, ngan là tàm ală tŭ jiơ geh uă cau ngui đồs èng bè klo ngai mờ trồ mang.