VOV4.K’ho- Di tơngkah kir sơnrai 66 nam Ngai bơhiàn Mpồl Tam klăc ơruh pơnu Việt Nam, tàm kơnhoàl M’Drak, Tỉñ đoàn Dăk Lăk bơyai lơh dùl ròt broă lơh lơh jăt Ngai Ơruh pơnu lơh broă bal bal mờ uă broă lơh kwơ ngan.

Sơnđờm lơh 2 nơm hìu Khăn quàng đỏ ai kơnòm bơsram geh rài kis kal ke ir in

Tỉñ đoàn Dăk Lăk neh bơyai lơh jàu broă lơh Pờ àng gùng ƀòn tàm thôn 2, xã Ea Hmlay, kơnhoàl M’Drăk. Broă lơh gùng pờ àng do jòng 1 kơi sồ, geh 20 nơm ƀong đèng năng lượng măt tơngai geh crăp ơn jăt kềng gah gùng tờm lòt tus ală thôn, kờp jơh priă tă lơh 45 tơlak đong; Sơnđờm lơh 2 nơm hìu Khăn quàng đỏ ai kơnòm bơsram geh rài kis kal ke ir in tàm 2 xã Ea Riêng mờ Cư Mtar, kơnhoàl M’Drăk, tơl nơm hìu kờp priă 60 tơlak đong. Di tàm dơ̆ do, tàm jơh ală Huyện đoàn mờ đoàn xã tàm càr Dăk Lăk ndrờm dùl ròt bơyai lơh ală broă lơh lơh jăt Ngai Ơruh pơnu lơh broă bal bal mờ uă broă lơh geh kwơ ngan bè sơnđờm lơh hìu bơta nđàc, hìu kờñ gơboh kòn bơnus; pơs wàs sồ siă lơh sàng goh tiah ơm kis, jàu broă lơh dà sàng goh, pà phan, pà priă dong kờl bơsram ai kơnòm bơsram rƀah in.

VOV Tây Nguyên/ Lơ Mu K’Yến mblàng