VOV4.K’ho- Drim ngai 02/3, tàm xã tiah nhàr dà lơgar Krông Na, kơnhoàl Buôn Đôn, Tỉñ đoàn Dăk Lăk mờ Tỉñ đoàn Lâm Đồng pơgồp bal bơyai lơh broă lơh Nhai 3 tiah nhàr dà lơgar nam 2022 mờ tơngume “Tiah nhàr dà lơgar bơh lơgar añ dê”. Tài gơ rềng bơh kòp bơtờp dê, broă lơh geh bơyai lơh lơyah mờ uă broă lơh geh kuơ.

Broă lơh nhai 3 tiah nhàr dà lơgar bơh cau kơnòm să  2 càr Dăk Lăk mờ Lâm Đồng geh bơyai lơh mờ uă tơngume ngan ngồn, geh kuơ bè: lam lơh broă lơh sòl àng gùng lòt tiah nhàr dà lơgar tàm tiah tềl kah yau dà lơgar kuơmàng anih plung ơm tiă gan dà dờng Srêpôk, rềp tiah mờ pôs ling sền gàr tiah nhàr dà lơgar Srêpôk lơh pôs. Lơh broă lơh măi ƀồm dà is ai suơn chi ơruh pơnu tàm pôs ling sền gàr tiah nhàr dà lơgar Srêpôk. Pà phan ală cau ling sền gàr tiah nhàr dà lơgar gam lơh kơnòl broă tàm tiah nhàr dà lơgar. Jàu 20 bơnah priă dong kờl bơsram tàm broă lơh Dong kờl oh tus hìu bơsram ai kơnòm bơsram xã Krông Na in mờ pà 150 nơm bồng bi dà lơgar ai làng bol tàm ƀòn Drang Phôk, xã Krông Na, kơnhoàl Buôn Đôn. Kờp jơh priă tă lơh ală broă lơh do là rlau 100 tơlak đông.

Cau mblàng K’Duẩn